Beim Bürgertreff im Oktober trug Martha Boesler ein Gedicht vor, das wir euch nicht vorenthalten wollen.
Eine Liebeserklärung
Wenn ich nit schunn in Kapelle wär,
do wisst ich, wo ich hingeheer.
Des Derfel do im Wissedaal,
isch zum Verliewe – allemal.
Wo Kinner noch zum Schulbus laafe,
wo man uff Bergzawwre muss, um was zu kaafe.
Unn am Plätzel mit denne Rosebääm,
do fiehlt mer sich doch ganz dahääm.
Do kennen sich noch alle Leit,
unn bieden freundlich sich die Zeit.
Do blieht de Klatsch noch, des is wohr,
des Dörfel, des is gut dafor.
Unn was net in de Zeidung steht,
heert ma beim Schoppe owens spät.
Und wanns vom Kerchturm elf Uhr leit,
isch’s zum Middachkoche hechste Zeit.
So manche Mudder kriecht des awwer nit mit,
doch um zwölfe werd gegesse, ob gekocht isch oder nit.
Mer heert sogar de Erlebach bei Hochwasser rausche
unn ach die schnelle Audos, die durchs Derfel brause.
Doch in de Nacht wird’s immer leiser.
S’Licht geht aus in alle Haiser.
Unn Kapelle mach die Aache zu:
Schloof gut, du liewese Dörfel, du.
